最新動態

醫院管理評價機構「香港艾力彼醫院管理研究中心」(Asclepious Healthcare consultant) 近日公佈咗「2017粵港澳大灣區最佳醫院50強」排名，作為香港大學教學醫院嘅瑪麗醫院喺一眾優秀嘅醫院中脫穎而出，榮登榜首，綜合競爭力得分更接近950分！

呢個調查針對粵港澳大灣區內9個城市及2個特別行政區內嘅綜合醫院同埋中醫院進行評估，以四大範疇作為評分準則，當中包括醫療技術、資源配置、醫院營運同埋學術影響力。瑪麗醫院擁有高水準嘅醫療技術並積極參與科研，係能夠獲選為最佳醫院嘅其中一個關鍵。此外，喺艾力彼嘅「2017華人地區最徍醫院100強」排行榜中，瑪麗醫院亦獲評為華人地區最佳醫院首三位之醫院。

自香港大學臨床試驗中心成立至今二十載，我哋同瑪麗醫院一直都合作無間。除咗因為我哋嘅一期臨床試驗中心同埋辦公室位處瑪麗醫院呢個地利因素外，我哋亦協助香港大學及瑪麗醫院嘅研究團隊管理佢哋喺瑪麗醫院進行嘅臨床研究。有最佳醫院作為研究基地，以及專業嘅香港大學臨床試驗中心管理團隊支援，我哋嘅臨床研究水準當然係有保證啦！

http://hd.stheadline.com/news/realtime/hk/1264107/ 
(轉載自頭條日報)

請點讚及分享我們的Facebook給您身邊所有關注醫療資訊和醫學研究的家人、朋友及同事。密切留意我們發的帖文，我們樂意為您解答任何疑難。

https://www.facebook.com/hkuctc/

​

醫與研，從來密不可分。